الموت حق ويقين؟؟!!

أصبحت يومٍ ونفسي من قلقها حزينة
يوم أمي وأبوي بخط الجنوب مسافرين
***
ودعتهم والقلب بحزنهم ِيٍسمع ونينة
يا شين توديع ألي عالقلب غالين
***
وساوس تجيني وأنا بها مستهينة
قلت ذي تهاويلٍ جت من شياطين
***
يمه وين رايحة ومن رحتِ تزورينه
ويا بوي وش عندك مآخذٍ أمي وماشين
***

يا بنيتي بزور أمي ببيتها من مرضها سجينه
وبآخذ هدايا لعيال اخوي الصغيرين
***
يا بوي لا تسافر جهاز عرسي منتو محضرينه
يا بنيتي لا تضيقي أيام وبأذن ربي راجعين
***
اثر الموت يا نفس لو جا ما تمنعينه
الموت على الخلق حق ويقين
***
والهواجس ألي كنت بها مستهينة
صارت حق و الكل بدار أخيتٍي مجتمعين
***

وش جمعكم وشبَ الوجيه غدت شينه
قالوا حادث بسيط وبيرجعون بإذن ربي سالمين
***
سمعت الخبر وبسبابه صرت ماني رزينة
و صوتي على وناديت يا هلي المساكين
***
وقلبي دليلي ويا اذني ترى كذب لا تسمعينه
وإحساسي يقول أنهم بالحادث غدو ميتين
***
الحادث مروع والجيب غدا لوجه منه عجينة
وما ا ظنهم من وسطها غدو ناجين
***

اثر الموت يا نفس لو جا ما تمنعينه
والموت على الخلق حق ويقين
***
تكفون يا أعمامي نظرة وحيدة
قبل الكفن وتحت التراب مدافين
***
وصية أمي تنادي بغسلي غير بناتي لا ترتضينه
علينا تحرص حول شهر اوقبلها بشهري بشهرين
***
اثر المومن إحساسه بأعماقه دليله
واتساءل قبلها ليه بالموت يمه تهوجسين
***
حصل يمه ما كنتِ بالنفس تحسينه
وعرفت اليوم علامك حريصة علينا توصين
***
تكفون يا أعمامي بشوفة بعيني أخيرة
سلمنا بموتهم ولا حن بشوفهم لعقولنا فاقدين
***
بنشوفهم ونوادع أبيي بسلام ٍعلى جبينه
ونضم أمي ونقبل الرآس والرجلين
***
الله يا زين شذى المسك بكفنها ويا زين رياحينه
ويا زين سبابة ٍ بيمناها ناطقة بالشهادتين
***

يا لله يا سامعا كل شكوى حزينة
تجعلنا على مصابهم بها لزمن صابرين
***
وتجعل ماسلف من خطاهم بالبلوى مكفرينه
وعلى عيالهم ونفسي النديمة راضين
***
وتجمعنا بهم في مكان الكل راغبينة
با لفردوس الأعلى وللنبي محمد مجاورين
***
وصلاة على النبي عدد خلقٍ عارفينه
وعلى آله وأصحابه الغر الميامين
قولو آمين